اجــــــــدع بنـــــــــــات
اهلا وسهلا بيكوا فى منتدى اجدع بنات
فى منتدانا هتلاقوا كل اللى تحبوة اشتركوا بسرعة

اجــــــــدع بنـــــــــــات

منتدى نسـائى للبنوتات وبـــــس
 
الرئيسيةاجدع بناتالتسجيلدخول

شاطر | 
 

 عشان الشعر يتحمل بلاوى الفرد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هوبة الاروبة
المديرة التنفيذية
avatar

عدد المساهمات : 624
تاريخ التسجيل : 26/04/2010
العمر : 30

مُساهمةموضوع: عشان الشعر يتحمل بلاوى الفرد   الإثنين 3 مايو - 9:58

هاخش فى الموضوع علطول

بالرغم من كل التحذيرات اللى بنكتبها عن ضروره الابتعاد عن اى فرد للشعر
الا ان فى بنات بجد مش بينفع معاهم غير الفرد للشعر
وده لاسباب كتير ومنها ان فرحها قرب والطبيعى بياخد وقت كبير
ومنها لان الشعر نفسه مش بيحوق فيه اى طبيعى
ومنها انها بتكسل تهتم بشعرها وبتستسهل عمليه الفرد اللى انا بسميها مجزره الشعر الرهيبه
لان طبعا كلنا بعد الفرد بنلاقى شعرنا نفش وهاش وبقى كبير من فوق وصغير من تحت واتقصف وشكله بقى يقطع الخميره من البيت

**طب ازاى نخلى شعرنا مهما عملنا فيه من فرد يبان كانه صحى وجميل
**ازاى نخلى شعرنا ميتعبش من عمايل الفرد المتكرره اللى **نتايجها بعد كزا شهر بنلاقيها نتايج مؤسفه
**ازاى نخلى شعرنا مستعد لعمايل الاستشوار والمكوا الفرد
**من الاخر ازاى نخلى شعرنا (مازنجر )حاجه كده ضد الازمات والتغيرات (سوبر شعر)يعنى

هاقولك يا ستى
لو ناويه وبجد والنيه لله انك تعملى فرد وخلاص عزمتى الامر وتوكلتى على الله فى انك تفردى شعرك
هاتيجى قبلها باسبوع وتعملى اللى بقولك عليه
واللى بتخاف على شعرها اوىىىىىىىىىى
هاتعمل الروشته دى قبلها باسبوعين عشان تضمن ان شعرها يفضل فى راسها بعد الفرد


اولا :-
هاتعملىزى ما بقولك الخطوات فى انك هاترمى المشط البلاستيك وتستعملى الخشب تقسمى شعرك كل يوم نصين وتسرحى كل نص 100 مره
وتواظبى على شرب الماء الصبح على الريق كوبايتن تلاته كبار حلوين وبعد كل وجبه كوبايه كبيره + طبق السلطه ضرورى


ثانيا:-
هاتجيبى زيت الحشيش ولو مش متوفر زيت الخروع وتروحى بيه للكوافيره تخليها تغرقهولك وتحط شعرك تحت الاستشوار الكبير
لمده 10 دقايق او ربع ساعه
ومن الافضل الحشيش لانه بييمنع التساقط
لو مش هاتروحى للكوافيره يبقى تعمليه حمام زيت بفوطه سخنه نفس المده
والكلام ده مرتين فى الاسبوع قبل الفرد ويا سلام لو لمده اسبوعين واللهى هاتحبى شعرك ويمكن تستغنى كمان عن الفرد


ثالثا:-
تعملى بعد شطف شعرك من حمام الزيت حمام كريم وراه علطول عشان نضمن ان الزيت مينشفش الشعر
ومن افضل تلات انواع لحمامات الكريم اولهم ليه كارتيه طبعا فى المقدمه خصوصا لو الشعر خشن جدااااااااا هاتحسى بفرق رهيييييييب
وحمام كريم بوناويل مشمش او قمح وفاشكول بزيت الحيه


رابعا:
هاتخصصى وصفه الحنه الفتاكه
ودى يا جماعه من اقوى الوصفات اللىوبلا منافس يعنى لازما وحتما ولا بدا تحسى باختلاف فظيع حصل فى شعرك
تعمليها مره واحده فى الاسبوع وبلاش طمع لما تلاقى نتيجتهم الحلوه هيا مره واحده فى الاسبوع مش مرتين هاااااا سامعين
ملعقتين كبارحنا كويسة
ملعقتين كبارقرفه
ملعقة خل تفاح
ملعقة كبيرة محلب
3ملاعق كبار كريم باللمرز
كاس مغلي ماء البصل والثوم والقرنفل
ملعقة وسط خميرة فورية
ملعقتين كبار مايونيز
ملعقة كبيرة زبادي
ملعقتين عسل اصلي وممكن عسل اسود يكون افضل
ملعقتين مجموعه زيوت على كيفك
بيضه
زبده ملعقه كبيره
وصفه الحنه دى غير اى مره فى حياتك فكرتى تعملى فيها حنه لشعرك بتبان مفعولها كالبرق فى التطريه والنعومه واللمعه

وده بالنسبه للوصفات المناسبه للشعر قبل الفرد


خامسا :
نيجى بقى للكريم اللى بتدهنى بيه بعد الشاور
من احسن وافصل تلات كريمات للشعر
بالمرز وبرت بلس ومنك
ععملتها بطريقه مختلفه شويه
وبجد طلعتلى فى الاخر كريم فى منتهى الروعه وده هاتخليه على سراحتك دايما تدههنى بيهم شعرك بعد اى شاور
والطريقه كالاتى :-


هاتجيبى (كريم منك) اى نوع علبته ب5 جنيه

وتضيفى عليه كوبايه صغيره فيها نسب متساويه من الحشيش و والحيه واللوز والخروع او اى زيوت حلو ه للشعر ما عدا الزيتون
وتكونى غليه ملعقه ص جنزبيل مع ملعقه ص مشاط فى كنكه صغيره وتصفيها وتضيفيها شويه شويه على الخليط بعد ما تصفيها وتقلبى كويس الى ان يتماسك الكريم ويتجانس
وبسسسسسسسسس
تخليها على سراحتك منين ما تغسلى شعرك تدهنى منها بعد الغسيل وهاتشوفى الحرير بجد بجد

وبسسسسسسسسسسسس يا ستى انا
لو هاتستمرى على المكتوب فى الروشته دى قبل الفرد باسبوع او اتنين لزياده الصحه
هايبان الفرد فى راسك كانه شعرك الطبيعى
بصحه وبقوه لمعان غريبه
غير لما تعملى الفرد على شعر مدمر

ولعلمك لو عملتى كده ممكن لما
تلاقى شعرك اتحسن بالاسلوب ده اضمنلك شعرك فى راسك بعد الفرد و ممكن
تستغنى عن الفرد وتقولى لا الطبيعى يكسب ههههههه


ملحوظه هامه :
متنسوش كويس قبل ما تحطى اى حاجه على شعرك سواء طبيعى او كيماوى دعاء الحفظ بسم الله الذى لا يضر مع اسمه شيء فى الارض ولا فى السماء وهو السميع العليم







-


مصـــــر فوق الجميع رغم انف الحاقديــــــــن
الرجوع الى أعلى الصفحة اذهب الى الأسفل
حنين الروح
عضو متميز جدااااااااااااا
عضو متميز جدااااااااااااا
avatar

عدد المساهمات : 660
تاريخ التسجيل : 26/04/2010
العمر : 34

مُساهمةموضوع: رد: عشان الشعر يتحمل بلاوى الفرد   الإثنين 3 مايو - 15:25

ميرسي ياجميل
الرجوع الى أعلى الصفحة اذهب الى الأسفل
 
عشان الشعر يتحمل بلاوى الفرد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اجــــــــدع بنـــــــــــات :: الاناقة و الجمال :: جمال الشعر-
انتقل الى:  

 
.
مركز تحميل صور منتدى اجدع بنات

إرسال الصورة

 

 

تعديل حجم الصورة؟

أنواع الصور المسموح بها: bmp, jpg, png, gif, tif يقل حجمها عن 2 ميغا



نتمنى لكم قضاء امتع الاوقات فى منتدانا
منتدى اجــــدع بنــــات

المواضيع الأخيرة
» ناب دعاية واعلان و طباعة مصر NAB Advertisig Egypt
السبت 4 أغسطس - 13:49 من طرف Marim.Ahmed

» حدوته منتوته لكل بنوته صغنتوته
الجمعة 13 يناير - 21:05 من طرف Marim.Ahmed

» اعظم الذنوب عند الله
الجمعة 13 يناير - 20:59 من طرف Marim.Ahmed

» فوائد الزنجبيل للشعر بصوره ملحوظه
الإثنين 9 يناير - 21:31 من طرف Marim.Ahmed

» شرايح البفتيك بالصور
الأربعاء 4 يناير - 9:45 من طرف Marim.Ahmed

» قصه قصيره حننت كل من يقراها
الأربعاء 4 يناير - 9:25 من طرف Marim.Ahmed

» لا مفر تعبت بقى ومش قدرة
الأربعاء 4 يناير - 9:14 من طرف Marim.Ahmed

» قصة قصيرة .....
السبت 24 ديسمبر - 22:29 من طرف Marim.Ahmed

» خمسة اشياء تجعل شعرك رائع
السبت 24 ديسمبر - 22:14 من طرف Marim.Ahmed

اعلانات جوجل
Add to iGoogle