اجــــــــدع بنـــــــــــات
اهلا وسهلا بيكوا فى منتدى اجدع بنات
فى منتدانا هتلاقوا كل اللى تحبوة اشتركوا بسرعة

اجــــــــدع بنـــــــــــات

منتدى نسـائى للبنوتات وبـــــس
 
الرئيسيةاجدع بناتالتسجيلدخول

شاطر | 
 

 تعالوا اقولكم على حته فكره لكل ام بتشد شعرها من ولادها الى اقل من 10 سنين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هوبة الاروبة
المديرة التنفيذية
avatar

عدد المساهمات : 624
تاريخ التسجيل : 26/04/2010
العمر : 29

مُساهمةموضوع: تعالوا اقولكم على حته فكره لكل ام بتشد شعرها من ولادها الى اقل من 10 سنين   الأربعاء 19 مايو - 22:26

طبعا مفيش ام فالدنيا مش بيجى عليها لحظات وتبقا بتشد فشعرها من عيالها

بصراحه انا بنتى عانيت معاها بشكل مش طبيعى

مع انها والله عسوله اوى اوى

بس شقيه جدااااااااااااا

وبعدين اجى ااكلها اشوف الدلع كله

لحد ما جوزى شك انى مجنونه رسمى

وطبعا لانه زى اى زوج قليل الوجود فالبيت

فطبيعى مش بيحس باللى انا بحس بيه

انى طول اليوم شايله الهم وساكته

وهو يجي يدلع ويهشك

وهو اللى يبقا حلو فعين بنتى وانا ماما الغوله

جربت كتير اضرب مجبش نتيجه

جربت اصاحبها مجبش نتيجه

يمسكها العياط والدلع بعيد عنكم بقا

مع انها عندها 7 سنين دلوقتى

بس كانت مثلا من سنتين مجناااااااااااااانى بجد

جربت كل حاجه لحد ما وصلت لحته فكره تهوس

بصوا بقا

طبعا الفكره دى عاوزه اطفال من سن تلات سنين لحد 10 سنين

يعنى قبل كده صعبه لانه مش هيستوعبها

وبعد كده هيحس انك متسلطه عليه

بس لو انتى هاتستخدميها عادى ممكن تفضل معاكى لحد 14 سنه

لما يبدأوا يميزوا ويبطلوا هبل شويه

اولا كل ام عارفه اولادها بيحبوا ايه اوى

يعنى الاماكن اللى بيحبوا يروحوها

الحاجات الحلوه الى بيحبوا ياحلوا بيها

والكلام ده كله

شوفى ياستى بقا

انا عملت ايه

اول ما بنتى تطلب الحاجه

لو هى متنفعش فعلا او نظام دلع

اقولها شوفى هعد من 1 لـ 5

لو وصلت لـ5

وفضلتى تعيطى

مفيش النهارده حاجه حلوه ومفيش مصروف يومين

طبعا مش هقولكم اول مره حصل ايه

بنتى اتخضت

وبقت مش عارفه انا اتجننت ولا ايه

قالتلى طب انا مش هسكت بقا

قلتلها اوك وعديت لحد ما وصلت 5

قلتلها وقع العقاب مفيش حاجه حلوه ولا مصروف ليومين

وفعلا قد كان

البنت كانت هتتجنن

وحاولت مع باباها من ورايا

وانا كنت اتفقت معاه يقوى قلبه بس يومين واحنا هنخلص من كل ده

وفعلا

جت بعد كده مره بتهبل برضه قلتلها واحد....اتنين

قالتلى لالا خلاص خلاص

وبقت ماشيه عالجين متلخبطوش

واوقات حسب اللى بيحصل لو حاجه كبيره وتوصل لمرحله العقاب بجد

بدخلها الاوضه وتعقد لوحدها لحد ما تيجى تعتزر عشان هى غلطت

وده برضه بجانب الحرمان من الحاجه الى هى بتحبها يوم واحد او يومين حسب الغلط اللى حصل

والله ارتحت جدا بالطريقه دى

انا شفتها فبرنامج طب اجنبى

وقالوا ان دى الحاجه الوحيده اللى متأصرش فنفسيه الطفل

لاننا لازم نديله وقت يفكر فيه

ولما بعد بعد بالراحه باديها وقت تفكر

اما تقول سورى

او تسكت لو كانت بتزن

بس لازم لو قلتى عقاب معين تنفذيه عشان يكون فى مصداقيه

والله هترتاحوا جدا جدا

بس متنسوش تدعولى بقا


منقوووووووووووول







-


مصـــــر فوق الجميع رغم انف الحاقديــــــــن
الرجوع الى أعلى الصفحة اذهب الى الأسفل
حنين الروح
عضو متميز جدااااااااااااا
عضو متميز جدااااااااااااا
avatar

عدد المساهمات : 660
تاريخ التسجيل : 26/04/2010
العمر : 34

مُساهمةموضوع: رد: تعالوا اقولكم على حته فكره لكل ام بتشد شعرها من ولادها الى اقل من 10 سنين   الخميس 20 مايو - 13:56

والله ياختى ده هم اللى هيبوظوا نفسيتنا من عنادهم بنتى مش بتاكل الا لما تشلنى
الرجوع الى أعلى الصفحة اذهب الى الأسفل
 
تعالوا اقولكم على حته فكره لكل ام بتشد شعرها من ولادها الى اقل من 10 سنين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اجــــــــدع بنـــــــــــات :: قسم الاسرة :: طفولة و امومة-
انتقل الى:  

 
.
مركز تحميل صور منتدى اجدع بنات

إرسال الصورة

 

 

تعديل حجم الصورة؟

أنواع الصور المسموح بها: bmp, jpg, png, gif, tif يقل حجمها عن 2 ميغا



نتمنى لكم قضاء امتع الاوقات فى منتدانا
منتدى اجــــدع بنــــات

المواضيع الأخيرة
» ناب دعاية واعلان و طباعة مصر NAB Advertisig Egypt
السبت 4 أغسطس - 13:49 من طرف Marim.Ahmed

» حدوته منتوته لكل بنوته صغنتوته
الجمعة 13 يناير - 21:05 من طرف Marim.Ahmed

» اعظم الذنوب عند الله
الجمعة 13 يناير - 20:59 من طرف Marim.Ahmed

» فوائد الزنجبيل للشعر بصوره ملحوظه
الإثنين 9 يناير - 21:31 من طرف Marim.Ahmed

» شرايح البفتيك بالصور
الأربعاء 4 يناير - 9:45 من طرف Marim.Ahmed

» قصه قصيره حننت كل من يقراها
الأربعاء 4 يناير - 9:25 من طرف Marim.Ahmed

» لا مفر تعبت بقى ومش قدرة
الأربعاء 4 يناير - 9:14 من طرف Marim.Ahmed

» قصة قصيرة .....
السبت 24 ديسمبر - 22:29 من طرف Marim.Ahmed

» خمسة اشياء تجعل شعرك رائع
السبت 24 ديسمبر - 22:14 من طرف Marim.Ahmed

اعلانات جوجل
Add to iGoogle