اجــــــــدع بنـــــــــــات
اهلا وسهلا بيكوا فى منتدى اجدع بنات
فى منتدانا هتلاقوا كل اللى تحبوة اشتركوا بسرعة

اجــــــــدع بنـــــــــــات

منتدى نسـائى للبنوتات وبـــــس
 
الرئيسيةاجدع بناتالتسجيلدخول

شاطر | 
 

 كل العرئس والمتزوجين

اذهب الى الأسفل 
كاتب الموضوعرسالة
مى احمد عبدة
المدير العام
المدير العام


عدد المساهمات : 97
تاريخ التسجيل : 23/09/2010

مُساهمةموضوع: كل العرئس والمتزوجين   الخميس 20 يناير - 23:54

ازاى انظف جسمى وايه احسن شاور اجيبه؟؟

اولا انتى جسمك علشان تضمنى ليه اوى خطوة فى الاهتمام يبقى لازم شوف انا هنظفه ازاى؟؟
وطبعا الصابون العادى ابو ريحة؟
ممنــــــــــــــــــــــــوع
امال انظفه بايه؟؟
بصى كل حاجة ليها حاجة تتعمل بيها وعلشان كده فى اختراع اسمه شاور
واحسن شاور انتى ممكن تستخدميه ويبقى حلو ليكى ولجسمك
من الناحية العلمية بالذات؟؟

شاور دوفاو صابون دوف
من دلوقتى ورايح مدعكش جسمى غير بدوف
طب واشمعن؟؟
لانه فى نسبة ترطيب عالية اوى اوى
وانا بكده ساهمت من الاول انى امنع الخشونة والملمس البايخ اللى بيكون موجود
يبقى قومى هاتى النوتة بتاعتك واكتبى انك هتشترى
دوف شاور
دوف صابون
وممكن لوكس كمان
وهاتى من ماى واى الجركن الكبير
او كامينا
الحاجات ديه تنفعك لما تبقى عايزة تعملى جو رومانسى فى الحمام او لما تبقى حابة انك تخلى البانيو مليان رغاوى


كده اوكى
احنا لسه فى النظافة ولسه مدخلتاش على التعطير او الترطيب الفعلى بقى
وعلشان العرايس اللى فرحها قرب اوى

هنتكلم على ازاله الشعر من الجسم تحت بند النظافة يعنى
على الاقل قبل الفرح باسبوعين
او شهر كمان
متشليش ولا شعرة ن جسمك
ليييييييييييييييييييييييييييييييه؟؟
لان اصلا الشعرة بتاخد وقت علشان تطلع وهتلاقى ان الشعرة بتاخد تلات ارباع وقت ظهورها ونموها تحت الجلد
وبعدين تبتدى تظهر
فانتى لو شيلتى شعرك قبل فرحك باسبوع
وجيتى يوم الفرح عملتى الجسم كله
يبقى اول يومين زواج تاكدى ان فى كام شعرة كده نطوا وظهروا
يبقى على الاقل قبلها من اسبوعين وطالع

وياريت شهر

طب واحسن طريقة؟؟

اياكى ثم اياكىاستخدام الكريمات

لانها مضرة اوى اوى بخبرتى كصيدلانية

والوحش اللى بعدها

الحلاقة

اما الاحلى الاحلى السويتويليها السييلك بيل اللى هى براون
لانها هى كمان عبارة عن ملاقيط بتشيل الشعرة من جدرها

لكن وانتى عروسة قبل الفرح
عليكى بالسويت فقط لانها مقشر كمان وهتشيل الطبقى الميتة وبتخلى جسمك احمر وجميل
الطريقة
اولا حضرى السويت سواء بالبيت او اشتريها من الصيدليه
خدى شاور دافء لان مهم جدا جدا انك تعملى ازاله الشعر على جسم نظيف
لانك بتفتحى مسام جسمك كله
ثانيا اقعدى فى مكان جيد التهوية علشان متسحيش منك وابدأى بانك تدعكيعا وتليينها للاستخدام
وابدأى افرديها فى المكان اللى انتى عايزاه وبعدين شديها عكس اتجاه الشعر
وبعدين حاولى انك تدهنى جسمك بكريم فيوسيدين او فيوسيدرم
منعا لظهور الحبوب
خدى شاور علشان تنظفى اثارها
واخر حاجة هاتى مثلج ماء ورد
< اشترى زجاجة ماء ورد من الصديلية ب 3 ج وحطى عليها نص كوب ماء وفضيهم على العلبة بتاعه مكعبات التلج ومديه>

انتى مكعب منهم ومشى على جسمك

الفائدة

الماء المثلج يقفل المسام منعا للفطريات

ماء الورد تونيك ومقوى ويساعد على نضارة البشرة
ونفس الوصفة ديه
انتى ممكن كل شاور ادعكى بيها على صدرك لانها بتخليه مشدود ونضر ولونه وردى مع المداومة


ودلوقتى هتكلم على ازاله الشعر من المنطقة الحساسة وازاله السواد منها
تابعينى




ازاله الشعر من المنطقة الحساسة



اولا اياكى فى المنطقة ديه بالذات تقولى كريمات والكلام الفاضى ده

علشان مترجعيش تشتكى من السواد



استخدمى السويت وبس

واوعى تجيبى الكريمات والسبراى اللى هما فيهم مخدر موضعى

غلط والله يا حبيبتى

انشفى كده واستحملى الالم

واهو يا ستى كله بثوابه

هههههههههههههههههههه

بصى انتى قبل كل ده حطى نيتك انك بتعملى كده لزوجك او ان النظافة من الايمان

او اى نية تانية علشان تاخدى ثواب على كل ده

واخرك علشان الالم قبل الازاله بكام دقيقة ادهنيها بزيت القرنفل

او معجون اسنان ودع يقلل الالم مش بيمنعه



المهم انتى قبلها
هتبقى واخدة دش زى ما اتفقنا
ومنظفة المنطقة كويس
وياريت كمان تكونى عملتلها صنفرة بالسبا ميلك
المهم انتى هتجيبى المخدة او خدادية عالية وتقعدى عليها
وتخلى ظهرك مسنود على حاجة علشات متتعبيش
والمراية تحت قدامك



وابداى وسمى وحاولى انك متسبيش شعرية

للبنات اللى اول مرة تعمل

احب اقولها معلش ممكن يكون الالم شديد
لكن استحملى وممكن كمان تلاقى الشعرة طلعت

ومعاها دم عادى برضه

وحاولى انك تبقى سريعة علشان تلحى تخلصى والمكان منمل ومتخدل وعلشان السويت متسحش منك



اما اللى متعودين فالامر بيكون سهل

المهم انتى خلصتى
اجرى بقى اشطفيها وحطى الفيوسدين
وهنا يبالذات فى المنطقة ديه مهم اوى اوى ولمدة 3 ايام ورا بعض علشان الفطريات والحبوب

وديه اول غلطة انا عملتها

انى محطتش كريم وطلعتلى حبوب وكان شكلها مش حلو وفضلت فترة للاسف



على الاقل تلات ايام تحطى منه ومش هتلاقى حبوب لان انتى بتفتحى مسام وده يسهل الحبوب

بالذات المكان ده معروف انه كله فطريات

بكدة ضيفة على النوتة

السبا ميلك




الفيوسيدين او الفيوسدرم




وبلاش حد يسألنى عن السواد



تانى حاجة المناطق المهمة اوى انى اكون عملاها وانا عروسة
1_الايدين والرجلين
طبعا علشان اللبس بتاعك يبان جماله على السيقان الجميلة وايديكى
يكون ملمسها ناعم كده مش عم حسنين
2_تحت الابطين
تكملة الشياكة وريحتك يا عباااااااااس
لان العرق ريحته بتزيد مع الشعر
3_المنطقة الحساسة
وديه لما الموضوع يكبر ويدخل فى العلاقة الحميمة بين الازواج
4_المنطقة اللى تحت السرة وفوق المنطقة الحساسة
لان انتى لو لبستى حاجة استوماك او حاجة المنطقة ديه بتبان
وعلى ايه بقى لااحراج
5-المنطقة اللى بين النهدين
لان المنطقة ديه هيتم زكرها فى العلاقة الحميمة برضه
ومهم اوى انها تكون ناعمة
6_الظهر
معلش هو بيكون صعب لكن خلى حد يعملك
لان برضه وانتى عروسة بتبقى كلك على بعضك مثيرة لزوجك ومش عايزين
يلمس جزء منك الا وكان ناعم

اما منطقة الافخاذ او او الاوراك يعنى والمؤخرة
انا النسبة ليه مش مهمين اوى
لانهم كده كده ناعمين والشعر الصغير مش باين فيهم

طيب؟؟
هو معرفش ايه بقلل نمو الشعر؟؟؟؟؟
بصى الكلام كتر وقل فى النقطة ديه وانا ماعرفش غير نبات السعد فقط
موجود عند العطارين على هيئة كريمات وزيوت وده بيتحط على الجسم بعد الازاله وبيقلل نمو الشعر فعلا ولو على الاقل عملتى منه بعد 4 ازالات متتاليين
اما اى حاجة تانية اقولك الله اعلم؟؟

طب مين اللى هيعملى السويت؟؟
يفضل انتى او اختك او ووالدتك
لان فى ناس كتير اوى حرموا كشف العورات حتى العرائس اللى بيروحوا لحمامات التلات والكلام ده
فانتى حاولى انتى بتفسك
ولو فشلتى خاااااااااالص يبقى والدتك او اختك

طب انا معرفتش اعمل المناطق اللى انتى قولتى عليعا بالسويت
الشعر لازق اوى وصغير لكن باين؟؟ اعمل ايه؟؟
انا كنت زيك كده
وجبت السيلك بيل
اللى هى البراون
وحلوة اوى للناطق ديه وبتشيل الشعر الصغير اللى انا مش شايفاه
علشان كده اللى عايزة تشتريها
لا تتردد فهى حلوة اوى اوى ومنقذة فى اوقات كتير اوى كمان
وحلوة للشعر اللى تحت لاابط لانه يستحب انه يتشال باستمرار
ودلوقتى بقى قبل ما ادخل على تعطير الجسم وترطيبه انا هرد على مشاركتكم واللى عايزة سؤال فى ازالة الشعر بس تتفضلوانا تحت امرها
ايوة استنى تعالى منك ليه قيمتى ولا لأ؟
روحى قيمى يالا
ههههههههههههههه



اه سؤال مهم وانا متزوجة اشيل الشعر كل اد ايه؟؟



اولا المنطقة الحساسة انا بشيلها بعد كل بريود



لان قبل كده بتكون الشعرة قصيرة اوى اوى ومتتشالش

مع بدء الدورة الشعرة بتبتدى تتطول وكده كده مش بيبقى فى علاقات حميمة

ومه نهاية البريود الشعرة جاهزة للازاله

لكن قبل كده مش بينفع معايا



الجسم

انا علشان نعايا المكنة بعمل كل ساعة والتانية علشان ابقى على طول جاهزة

اما اللى مش معاها المكنة اولا انصحها انها تجيبها هى اسعارها رخصت اوى

بقى الشفرتين ب 150 بس

انا كنت جايباها ب 275

ههههههههههه

شفتى رخصت اد ايه بس شرط هاتى براون الاصلية اللى هى الالمانى

المهم اللى مش معاها يبقى كل اسبوع هتلاقى الموضوع ناعم وجميل؟؟



طب انا ساعات بلاقى الشعرة مبرومة كده وملفوفة حوالين نفسها اعمل فيها ايه؟

واجى اشيلها مش يتتشال؟؟

وشكل جلى منقرة كده نقط سودا كتير

؟

والحل يا بنات انا كنت كده فعلا وصعقت لما عرفت انالموضوع ديه ليه
علاقة بقلة النظافة
والله والله الكلام ده مضبوطانتى تيجى تلاقى الشعرة مبرومة كده وملفوله على بعضهاوتلاقى رجلك منقرة كده وفى فرق بين الشكل ده وبين ان الشعرة بتكبر وبتبان لو الشعر بتنمو عادى تانى يوم هتلاقيها طلعت بره وتتشال عادى لكن لما تقعد يومينملفوفة كده وانتى مش طايلاها ده بسبب انها محتاجة انك تفركى جامدعليها طب اشيلها ازاى

با لحجر الخفاف



ايه الحجر الخفاف ده؟

هتلاقيه فى الصيدليات ب 4.5

حلو اوى انا بعمل بيه دايما

وهى عبارة عن حجر لكن ناشف ليه ملمس الحجر لكن ناعم اوى على البشرة ومحتمل اوى اوى

طب بيعمل ايه يعنى الحجر ده؟

مع الحر والجو والعرق والشغل و و و و و و جسمك بيتكون عليةطبقة ميتة علشان كده فى اختراع اسمه صنفرة جسم وبدليل انك لما تيجى تعملى سويت بتلاقى جسمك بعدها فرق خالص وناعم طب هو لازم يعنى تستنى السويت علشان م يبقى ناعم لا الحل بقى وبديل السويت واللى هيديكى النعومة
الحجر الخفاف
ولما تعملى بيه بدل ما كنتى تلاقى الشعرة مبرومة والمامس زى الشوكة كده

هتلاقى الملمس ناعم اولا و

هتحسى بالشعرة بس والازاله ليها بعد كده هتبقى سهلةالمهم ده انا بدعك بيه ايدى ورجلى واتفرجى على اللى بينزل والله كل الطبقى الدهنية الميتة بتنزل وببقى بيضة اوى اوى بعدها كانى عاملة سويت وبيخلينى مش محتاجة الصنفرة الا مرة فى الشهر او الشهرين وهتلاقى الحسم زيق بعدها لان الليفة العادية مش بتشيل الطبقة ديه وتلاقى نفسك لماتدعكى جلدك تلاقى فتافيت نزلت لا وداعا ليها كمان وكل ده ليه
وايه السبب العلمى؟
هقولك لاحظى دايما اول ما تلاقى الشعرةاللى فرجلك طلعت بره هاتى الملقاط وشديها فى اتجاه الشعرمن غير ما تتالمى علشان الشعرة تتطلع كاملة هتلايها طويلة اوى من جوه واللى طلع بره جزء صغير يبقى معنى كده ان الشعرة بتتكون جوه فهى لما تيجى تتطلع هتلاقى الدهون و.......و...........يعينى عليها ههههههههههههههههههههه واالطبقات اللى هى نتيجة العرق حاجزاهافمتلاقبش حل غير انهاتتل فبدليل انك لو حكتيها هتلاقى جلدك اتقشر وطبعا اللى اتقشر هى الطبقى الميته يارب تكون المعلومة وصلت ياقمرات عرفتوا بقى ايه فايده التقشير بالحجر الخفاف

بس رجااااااااااااااء قبل ما حد يستخدموا الاول يصوروا ويقولى هنا ان كان هو ولا لا

لان فى انواع تانية بتعمل حساسية ومش هى خالص الحجر الخفاف



انتى قولتى انك هتقولى اجيب ايه فى الجهاز وبدانا بالجسم؟؟



ايوة احنا قلنا لحد دلوقتى

الشاور ب 11ج

الصابونة دوف 5ج

الفيوسيدين 2ج او 3ج



طيب وايه الطلبات اللى خاصة بالترطيب والتعطير

حاجات سهلة اوى

اولا خلينا فى الاغلى واللى هى اللوشن بتاع ايفون

او اى شركة مستحضرات تجميل

بحوالى 15ج الى 25

واللى انا اعرفهم وعن تجربة اللى هما منهم كمان برفان

ريال جولد

ليتل باك

انكان ديسنس

بيرسيف

نساء العالم



وانتى ممكن تجيبى المجموعة يعنى البرفان واللوشن



طب انتى يا عفوك رجائى جبتى ايه؟؟

فى اللى يخص البرفانات

انا جبيت ليتل باك وريال جولد وانكان ديسنس

برفانات

هما كان نازل عليهم عرض والواحدة كانت ب 68ج بدلا من 125ج

علشان كده انتى تابعى الاسعار والعروض

وجبت البيرسيف

ونساء العالم

جبتهم بلية او رول

الواحدة ب 10ج

انتى كده كده هتعودى نفسك ان يكون فى الحمام ازازة برفان ليكى

وبلية كمان

علشان لو اتزنقتى فى اى وقت من الاوقات تدخلى الحمام وتظبطى الدنيا تانى

يعنى من الاخر انا قصدى لما زوجك يطلبك وانتى حاسة نك ممكن تكونى مش مستعدة

اتلككى وقولى انك رايحة الحمام

رشى الرشتين بتوعك واطلعى

اوكى

طب ديه البرافات الغالية شوية طب والارخص

انا جبت ايسكيب والكوبرا واتنين كده مش عارفة اساميهم

الواحدة كانت حوالى25 ج او 20ج



وانتى عاى حسب ميزانيتك هاتى اللى انتى عايزاه



اوكى



طب ده بالنسبة للبرفانات



طب وتعطير الجسم الباقى اللى فيه؟

ماهم اللوشن غالى عليا انا عايزة ارخص من كده؟؟؟



اقولك انا بقى انا عن نفسى مجبتش اللوشن خالص لكن جبت الاحلى كتيييييييييير والارخص

هاتى النوتة واكتبى

زيت جونسون للاطفال ويفضل اللافندر ب7ج

بودرة جونسون للاطفال ب6.5ج

او اى بودرة معطرة زى

بودرة انشانتير المعروفة 12ج

ماء ورد وجلسرين 3ج*3ج

كريم جليسوليد 5ج

زيت عطرى من اى عطار كويس

طب ودول اعمل بيهم ايه؟؟؟

هقولك

دلوقتى وانتى عروسة مهم اوى اوى وى اوى اوى انك جسمك يكون ناعم اوى اوى زى الزبدة كده او انعم

بتبقى عايزة ان زوجك لما يجى يلمسك يحس ان لمس ريشه

فانتى لما تهتمى بترطيب جسمك هتلاقى الموضوع بقى حلو اوى

انتى نفسك هتبقى فرحانة

طيب الطريقة

اى ترطيب كويس لازم تاخدى الاول لاشاور بتاعك كده وادعكى بالحجر اللى اتفقنا انك هتجيبية وبدوف

وبكده الجسم اوكى جاهز للترطيب

نشفى نفسك نص نص

وهاتى الزيت وحطى منه على ايدك وادهنى جسمك وهو مندى

هتلاقى نفسك ناعنمة وبتلمعى زى الممثلات

واستنى كام دقيقة الجسم يتشرب واخرجى عادى

او البودرة نفس الكلام

هى والانشانتير

هتلاقى نفسك والله عاملة زى البيبى الصغير وهو نفسه هيقولهالك وهيعلق على النعومة واللمعان والريحة



ونفس الكلام للجليسوليد



اما ماء الورد والجلسرين

انتى هتجيبر كل ملعقة جلسرين وعليها م ماء ورد ونفس النظام برضه

والوصفة ديه ميزتها انك ممكن تعملها فى اى وقت مش لازم بعد الشاور بتاعك



اوكى



يبقى انتى كده يا احلى عروسة ضمنتى ان

الجسم ناعم وخطوات الازاله تمام ومفيش حبوب ولا ضرر

وخدتى الشاور وجسمك ناعم

ومرطب ومعطر

طب وليه اجيب التلات انواع؟ مجيب نوع وخلاص

اولا من باب التغيير

ثانيا كده لو انتى كل يوم حطيتى منهم حاجة يبقى انتى هتقعدى كتير اوى عندك حاجات للترطيب
يبقى نحاول اننا نثبت يوميا الترطيب
مفهاش كسل
لكن فيها ان الزوج يلاقى النعومة







الرجوع الى أعلى الصفحة اذهب الى الأسفل
 
كل العرئس والمتزوجين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اجــــــــدع بنـــــــــــات :: الاناقة و الجمال :: جمال البشرة-
انتقل الى:  

 
.
مركز تحميل صور منتدى اجدع بنات

إرسال الصورة

 

 

تعديل حجم الصورة؟

أنواع الصور المسموح بها: bmp, jpg, png, gif, tif يقل حجمها عن 2 ميغا



نتمنى لكم قضاء امتع الاوقات فى منتدانا
منتدى اجــــدع بنــــات

المواضيع الأخيرة
» ناب دعاية واعلان و طباعة مصر NAB Advertisig Egypt
السبت 4 أغسطس - 13:49 من طرف Marim.Ahmed

» حدوته منتوته لكل بنوته صغنتوته
الجمعة 13 يناير - 21:05 من طرف Marim.Ahmed

» اعظم الذنوب عند الله
الجمعة 13 يناير - 20:59 من طرف Marim.Ahmed

» فوائد الزنجبيل للشعر بصوره ملحوظه
الإثنين 9 يناير - 21:31 من طرف Marim.Ahmed

» شرايح البفتيك بالصور
الأربعاء 4 يناير - 9:45 من طرف Marim.Ahmed

» قصه قصيره حننت كل من يقراها
الأربعاء 4 يناير - 9:25 من طرف Marim.Ahmed

» لا مفر تعبت بقى ومش قدرة
الأربعاء 4 يناير - 9:14 من طرف Marim.Ahmed

» قصة قصيرة .....
السبت 24 ديسمبر - 22:29 من طرف Marim.Ahmed

» خمسة اشياء تجعل شعرك رائع
السبت 24 ديسمبر - 22:14 من طرف Marim.Ahmed

اعلانات جوجل
Add to iGoogle